Bu ilin mart ayında Naxçıvan Muxtar Respublikası Dövlət Energetika Xidmətinin istismar sahəsində istehsal olunan elektrik enerjisinin 52,8 %-i alternativ və bərpa olunan enerji mənbələrinin payına düşüb.

Bu haqda XQ-ə Dövlət Energetika Xidmətinin mətbuat xidmətindən məlumat verilib. Məlumatda bildirilir ki, ötən ay xidmətin istismar sahəsində olan elektrik stansiyalarında 29 milyon 525 min 626 kVt/saat elektrik enerjisi istehsal edilib. Bunun 13 milyon 929 min 379 kVt/saatı və ya 47,2 %-i istilik elektrik stansiyalarında, 9 milyon 345 min 375 kVt/saatı və ya 31,6 %-i su elektrik stansiyalarında, 6 milyon 250 min 872 kVt/saatı və ya 21,2 %-i günəş və külək-günəş hibrid elektrik stansiyalarında istehsal edilib elektrik şəbəkələrinə ötürülüb.

Ötən ilin müvafiq dövrü ilə müqayisədə ümumi elektrik enerjisi istehsalında istilik elektrik stansiyalarının payı 14,5 % azalıb, su elektrik stansiyalarının payı 8,9 %, günəş elektrik stansiyalarının payı 5,5 % artıb.

Alternativ və bərpaolunan enerji mənbələrində 15 milyon 596 min 247 kVt/saat elektrik enerjisi istehsal edilib ki, bu göstərici də ümumi enerjinin 52,8 %-ni təşkil edir.

Səbuhi HƏSƏNOV

XQ