İllik elektrik gücü – 26,7 milyard kVt-saat

Dövlət Statistika Komitəsinin məlumatına görə, ötən il Azərbaycanda su ilə işləyən stansiyalar 2,9 milyard kVt-saat (2023-cü ildəki göstərici ilə müqayisədə 72,6 faiz çox) elektrik enerjisi istehsal edib. Bu dövrdə istilik elektrik stansiyalarında isə 22,3 milyard kVt-saat (2023-cü ilə nisbətən 2,5 milyard kVt-saat və ya 10,3 faiz az) elektrik enerjisi istehsal olunub. Eyni zamanda 2024-cü il ərzində ölkədə tullantıların yandırılmasından 201,6 milyon kVt-saat (2023-cü illə müqayisədə 5,6 faiz çox) elektrik enerjisi istehsal olunub.
Qeyd edək ki, Azərbaycanda 2024-cü il ərzində 26,7 milyard kVt-saata yaxın elektrik enerjisi istehsal edilib ki, bu da bir il əvvələ nisbətən 8,7 faiz azdır. Ümumilikdə isə, ölkədə elektrik enerjisi, qaz və buxar istehsalı, bölüşdürülməsi və təchizatı sektorunda 2024-сü ildə 1 milyard 321 milyon manat dəyərində məhsul istehsal olunub və xidmətlər göstərilib.