“Aqroservis” Açıq Səhmdar Cəmiyyəti 50 yeni traktorun alınması ilə bağlı hazırlıqlara başlayıb. Bu barədə məlumat dövlət satınalmalarının vahid internet portalında yerləşdirilib.
Qurum sözügedən işlərin icrasını “Gəncə Avtomobil Zavodu” İstehsalat Birliyinə həvalə edib. Bu məqsədlə zavodla dəyəri 2 milyon 330 min 100 manat olan müqavilə bağlanıb. Xatırladaq ki, “Gəncə Avtomobil Zavodu” İstehsalat Birliyi 2007-ci ildə dövlət qeydiyyatına alınıb.
