İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli “X” sosial şəbəkəsindəki hesabında 2023-cü ildə Azərbaycanda dövlət standartlarının tətbiqinin 2020-ci illə müqayisədə 6 dəfə artdığını bildirib.
Onun sözlərinə görə, son illərdə ölkə iqtisadiyyatının müxtəlif sektorlarında standartların tətbiqinin genişlənməsi məhsul istehsalı və xidmətlərin müasir tələblərə uyğun təşkil olunmasına, iqtisadi fəaliyyətlərdə innovativ texnologiyalara üstünlük verilməsinə, insanların həyat və sağlamlığının mühafizəsinə, məhsul, eləcə də xidmətlərin keyfiyyətinin yaxşılaşdırılmasına geniş imkanlar yaradır.
