2023-cü ildə ölkədə qeyri-neft-qaz məhsullarının ixracı əvvəlki illə müqayisədə faktiki qiymətlərlə 9,8 faiz, real ifadədə isə 3,9 faiz artaraq 3 milyard 348 milyon ABŞ dolları təşkil edib.
Bu barədə “Azərbaycan Respublikasının 2023-cü il dövlət büdcəsinin icrası” haqqında hesabatda qeyd olunub. Bildirilib ki, ötən ilin sonuna olan məlumata əsasən, profisitli tədiyyə balansı şəraitində ölkənin məcmu valyuta ehtiyatları əvvəlki illə müqayisədə 17,1 faiz artaraq 68,5 milyard dolları ötüb. Bu göstərici ümumi daxili məhsulun 94,7 faizinə bərabər olmaqla xarici dövlət borcunu, təqribən, 10,6 dəfə üstələyib.
XQ
