“Azərişıq” ASC-nin məlumatına əsasən, ötən il bu qurum tərəfindən ölkə üzrə 19 milyard kVt-saat elektrik enerjisi istehlaka verilib. Hesabat dövründə istehlaka yönəldilən elektrik enerjisinə görə, yığım səviyyəsi 97,4 faiz təşkil edib.
Məlumatda daha sonra bildirilir ki, ötən il “Azərişıq” üzrə elektrik enerjisinin itkiləri 8,6 faiz həcmində olub.
Qeyd olunub ki, adı çəkilən ASC tərəfindən 2023-cü ildə enerji sistemindəki paylayıcı şəbəkə təsərrüfatının inkişafı ilə bağlı müvafiq tədbirlər həyata keçirilib, ümumilikdə, müxtəlif gərginlikli 3478 kilometr kabel və hava xətləri çəkilib.
Hesabat ilində “Azərişıq” üzrə istehlakçıların sayı artaraq 2 milyon 946 min təşkil edib ki, bunlardan 2 milyon 760 min əhali istehlakçısının, 186 mini isə qeyri-əhali istehlakçısının payına düşüb.
XQ
