Bu il mayın 1-də Avropa Yenidənqurma və İnkişaf Bankının (AYİB) Direktorlar Şürası “AzərEnerji” Açıq Səhmdar Cəmiyytinə 30 milyon dollar məbləğində kreditin ayrılmasına baxacaq. Borcalan qismində Azərbaycanın Maliyyə Nazirliyi, icraçı qismində isə “AzərEnerji” ASC çıxış edəcək.
Bu barədə Avropa Yenidənqurma və İnkişaf Bankı məlumat yayıb. Bildirilib ki, həmin kredit hesabına Azərbaycanda fəaliyyət göstərən 4 yarımstansiyanın gücləndirilməsi üçün avtotransformator avadanlığının alınması maliyyələşdiriləcək. Layihə Azərbaycanın bərpaolunan enerji potensialının inteqrasiyası üçün tələb edilən enerji sisteminin çevikliyini təkmilləşdirməyə imkan yaradacaq.
Yeri gəlmişkən, layihənin uğurla həyata keçirilməsi ölkədə bərpaolunan enerji layihələrinin inteqrasiyası üçün mühüm əhəmiyyət kəsb edən şəbəkənin gücləndirilməsi ilə bağlı digər layihələr üçün də, bir növ, müsbət təcrübə sayıla bilər.
XQ
