2024-cü ilin yanvar ayında Azərbaycana 8 milyon 542 min dollar dəyərində 4 min 411 ton ət idxal edilib. Bu barədə Dövlət Gömrük Komitəsindən məlumat verilib. Bildirilib ki, məhsul idxalı dəyər ifadəsi ilə 3 milyon 659 min dollar yəni 74,9 faiz, miqdar ifadəsi ilə, təxminən, 1719 ton və ya 63,8 faiz artıb. Xatırladaq ki, ötən ilin müvafiq dövründə ölkəyə 4 milyon 882 min dollar məbləğində 2 min 692 ton ət gətirilib.
Hesabat dövründə 1 ton ətin idxal qiyməti 1937 dollar, ötən ilin eyni dövründə isə 1814 dollar təşkil edib. Bu isə o deməkdir ki, ilin ilk ayında bir kiloqram ətin idxalı 3,29 manat, ötən ilin müvafiq dövründə isə 3,08 manata başa gəlib.
Qeyd edək ki, hesabat dövründə idxal edilən ətin dəyəri Azərbaycanın ümumi idxalının 0,75 faizini təşkil etdiyi halda, ötən ilin müvafiq dövründə bu rəqəm 0,35 faizə bərabər olub.
XQ
