Bu ilin yanvar ayında Azərbaycanda 9 milyard 131 milyon manatlıq ümumi daxili məhsul (ÜDM) istehsal olunub ki, bu da ötən ilin eyni dövrünə nisbətən 5 faiz çoxdur. Ötən ay əhalinin hər nəfərinə düşən ÜDM-in dəyəri isə 897 manat olub.
Dövlət Statistika Komitəsinin məlumatına görə, son bir ildə iqtisadiyyatın neft-qaz sektorunda əlavə dəyər 2,6 faiz azalsa da, qeyri neft-qaz sektorunda 12,3 faiz artım qeydə alınıb.
İlin ilk ayında ÜDM istehsalının 41,9 faizi sənaye, 10,5 faizi ticarət; nəqliyyat vasitələrinin təmiri, 7 faizi nəqliyyat və anbar təsərrüfatı, 5,8 faizi tikinti, 2,9 faizi kənd təsərrüfatı, meşə təsərrüfatı və balıqçılıq, 1,8 faizi informasiya və rabitə, 1,7 faizi turistlərin yerləşdirilməsi və ictimai iaşə sahələrinin, 17,8 faizi digər sahələrin payına düşüb. Hesabat dövründə məhsula və idxala xalis vergilər ÜDM-in 10,6 faizini təşkil edib.
XQ
