Gömrük xidmətinin büdcəyə 5,7 milyard manat mədaxili

Cari ilin yanvar–noyabr aylarında gömrük xətti ilə büdcə daxilolmaları 12,4 faiz artaraq 5 milyard 718,35 milyon manata çatıb.

Bu barədə Dövlət Gömrük Komitəsi xəbər verib. Məlumata görə, hesabat dövründə gömrük rüsumları üzrə daxilolmalar 1 milyard 495,43 milyon manat (ötən ilin eyni dövrünə nisbətən 18,6 faiz çox), əlavə dəyər vergisi üzrə daxilolmalar 3 milyard 977,97 milyon manat (9,8 faiz çox), aksizlər üzrə daxilolmalar 205,91 milyon manat (37,4 faiz çox), yol vergisi üzrə daxilolmalar isə 39,26 milyon manat (31,5 faiz az) təşkil edib.