Xaricə 3 min 383 çeşiddə məhsul ixrac olunub
Cari ilin yanvar-noyabr aylarında Azərbaycan Respublikasının hüquqi və fiziki şəxsləri dünyanın 200 ölkəsindəki tərəfdaşları ilə ticarət əməliyyatları həyata keçiriblər.
Dövlət Gömrük Komitəsinin məlumatına görə, hesabat dövründə xarici ticarət iştirakçılarının sayı 67 min 515 nəfər təşkil edib. Onların isə 57 min 264 nəfəri fiziki, 10 min 261 nəfəri isə hüquqi şəxslərdir. Xarici fəaliyyət iştirakçısı qismində hüquqi şəxslərin 278-i dövlət, 9 min 973 nəfəri isə özəl sektorun nümayəndələri olub.
Qeyd edək ki, bu ilin 11 ayında idxal əməliyyatlarının həcmi 15 milyard 812,6 milyon ABŞ dolları, ölkəyə gətirilən malların çeşidlərinin sayı isə 7 min 616 ədəd olub. Bununla yanaşı, hesabat dövründə 31 milyard 512,9 milyon dollarlıq 3 min 383 çeşiddə məhsul ixrac olunub.
XQ