2023-cü ilin yanvar-avqust aylarında ölkəmizdə 4,2 milyon ton neft emal edilib. Energetika Nazirliyindən verilən məlumata görə, 8 ay ərzində xam neftin emalı əvvəlki ilin eyni dövrü ilə müqayisədə 7,7 faiz artıb. Xatırladaq ki, 2022-ci ilin 8 ayında Azərbaycanda 3,9 milyon ton neft emal edilmişdi.
Yeri gəlmişkən, ölkəmizdə xam neftin emalı təməli 1953-cü ildə qoyulmuş Heydər Əliyev adına Bakı Neft Emalı Zavodunda həyata keçirilir. Zavod daxili bazarın neft məhsullarına olan tələbatını tam ödəyir. Hazırda adıçəkilən müəssisədə bir sıra yenidənqurma və modernləşdirmə işləri aparılır.
XQ