Maliyyə Nazirliyinin məlumatına görə, cari ilin sonuna dövlət büdcə­sinin gəlirlərinin 33 milyard 890,5 milyon manat təşkil edəcəyi gözləni­lir ki, bu da ilkin təsdiqlənən proqnoz göstəricisinə nəzərən 10,1 faiz çox­dur.

Məlumatda bildirilir ki, dövlət büd­cəsinin gəlirlərinin 52,3 faizi və ya 17 milyard 739,7 milyon manatı neft-qaz sektorunun, 47,7 faizi və ya 16 milyard 150,8 milyon manatı qeyri–neft–qaz sek­torunun payına düşür.

Bu ilin ilkin proqnoz göstəriciləri ilə müqayisədə neft–qaz sektoru üzrə gəlir­lərin 1 milyard 442,7 milyon manat və ya 8,9 faiz, qeyri-neft–qaz sektoru üzrə isə 1 milyard 673,8 milyon manat və ya 11,6 faiz artması gözlənilir.

Bütövlükdə dövlət büdcəsi gəlirləri­nin tərkibində qeyri–neft–qaz üzrə gəlir­lərinin xüsusi çəkisi ilkin proqnoz göstə­ricisinə nisbətən 0,7 faiz bəndi artaraq 47,7 faiz təşkil edəcək.

Məlumata görə, dövlət büdcəsinin yenidən baxılmış xərclərinin 36 milyard 624,8 milyon manat səviyyəsində olaca­ğı gözlənilir ki, bu da ilkin proqnoz göstə­riciyə nisbətən 9,8 faiz çoxdur.

“Xalq qəzeti”