Dövlət Gömrük Komitəsinin məlumatına görə, cari ilin 6 ayında Azərbaycan 493 min 210 ton buğda idxal edib. Bu strateji xammalın dəyəri 145 milyon 565 min ABŞ dolları təşkil edib.
2022-ci ilin müvafiq dövrü ilə müqayisədə məhsulun həcmi 92 min 462 (23 faiz) ton, dəyəri isə 2 milyon 462 manat (1,8 faiz) çoxdur. Xatırladaq ki, bu, Azərbaycanın ümumi buğda idxalının 1,78 faizini təşkil edib.
Bölgələrdə isə taxıl biçini davam edir. Artıq 658 min 339 hektar sahədə biçin başa çatıb, zəmilərdən 2 milyon 164 min 746 ton məhsul yığılıb. Taxıl üzrə orta məhsuldarlıq 32,9 sentnerdir.
Respublika üzrə arpa sahələrinin 80 faizində biçin yekunlaşıb, sahələrdən 1 milyon tona yaxın məhsul yığılıb. Orta məhsuldarlıq 30,6 sentnerdir. Buğda zəmilərinin isə 50 faizində biçin aparılıb, 333 min 88 hektar biçilmiş sahədən 1 milyon 169 min 774 ton buğda yığıılıb. Orta məhsuldarlıq 35,1 sentnerə çatıb.
“Xalq qəzeti”