İqtisadi Əməkdaşlıq və İnkişaf Təşkilatının (İƏİT) hesabatına əsasən, qlobal iqtisadiyyat tədricən yaxşılaşır. Qlobal ÜDM artımı 2022-ci ildəki 3,3 faizdən 2023-cü ildə 2,7 faizədək azalsa da, gələn il 2,9 faizə yüksələcək.

Hesabatda bildirilir ki, enerji qiymətlərinin aşağı düşməsi ilə ev təsərrüfatla­rının büdcəsindəki gərginlik azalmağa başlayır. Biznes və istehlakçı əhval-ruhiyyəsi tədricən bərpa olunur, Çinin məhdudiyyətləri tam aradan qaldırması qlobal iqtisadi fəaliyyəti canlandırır. 

İƏİT əsas inflyasiya­nın 2022-ci ildəki 9,4 faiz­dən 2023-cü ildə 6,6 faizə və 2024-cü ildə 4,3 faizə enəcəyini proqnozlaşdı­rır. İnflyasiyanın azalması daha sərt pul siyasətinin qüvvəyə minməsi, enerji və ərzaq qiymətlərinin aşa­ğı düşməsi ilə əlaqədardır. ABŞ-də ÜDM artımının sərt pul və maliyyə şərtlərinə cavab olaraq 2024-cü ildə 1 faizə enməzdən əvvəl, 2023-cü ildə 1,6 faiz olacağı proqnozlaşdırılır. 

Avro zonasında inflyasi­yanın azalması real gəlirləri artırmağa və ÜDM artımının 2023-cü ildəki 0,9 faizdən 2024-cü ildə 1,5 faizədək artmasına kömək edəcək. ÜDM-nin ən çox artımı isə Hindistanda (6 faiz) və Çin­də (5,4 faiz) gözlənilir. Ru­siya və Argentinada isə bu göstəricilər mənfi olacaq. 

Hesabatda qeyd olunub ki, inflyasiyanın davamlılı­ğı əsas aşağı riskdir. Əsas inflyasiya güclü xidmət qiy­mətləri artımı və bəzi sek­torlarda yüksək mənfəət fonunda yapışqanlığını sü­but edir. Daha yüksək faiz dərəcələrinin təsiri bütün iq­tisadiyyatda getdikcə daha çox hiss olunur və məhdud­laşdırıcı pul siyasəti zəruri olsa da, xüsusilə yüksək borcu olan ölkələrdə ma­liyyə zəifliyini daha bariz şəkildə ortaya çıxarır. Bu fonda inflyasiyanın aşağı salınması, fiskal siyasətin tənzimlənməsi və dayanıqlı artımın təşviq edilməsi zə­rurəti siyasətçilər üçün əhə­miyyətli problemlərdir.

İqtisadi Əməkdaşlıq və İnkişaf Təşkilatının baş iq­tisadçısı Klare Lombardelli­nin sözlərinə görə, fiskal si­yasət məhsuldarlığı artıran dövlət investisiyalarına, o cümlədən yaşıl keçidə təkan verən işçi qüvvəsi təklifi və bacarıqlarının artırılmasına üstünlük verməlidir. O əlavə edib ki, əmək və məhsul ba­zarlarında məhdudiyyətləri azaltmaq, özəl investisiya və məhsuldarlıq artımını yenidən canlandırmaq üçün yenilənmiş islahat səyləri davamlı həyat standartlarını yaxşılaşdıracaq və mövcud aşağı artım perspektivindən yaxşılaşma prosesini güc­ləndirəcək.

“Xalq qəzeti”