Rusiya bu il Azərbaycan ilə əmtəə dövriyyəsini 5 milyard dollara çatdırmaq niyyətindədir.
AZƏRTAC xəbər verir ki, bu barədə Rusiya Baş nazirinin müavini Aleksey Overçuk Tatarıstanın paytaxtı Kazanda keçirilən “Rusiya-İslam dünyası” forumunda bildirib.
A.Overçukun sözlərinə görə, 2022-ci ildə Rusiya ilə Azərbaycan arasında qarşılıqlı əmtəə dövriyyəsi 24 faiz artaraq, 4 milyard 170 milyon dollara çatıb. İki ölkənin investisiya portfelində ümumi dəyəri 6 milyard dollar olan 10 iri layihə var.
Rusiya Baş nazirinin müavini əlavə edib ki, Azərbaycan ilə əməkdaşlığın əsas istiqamətlərindən biri Şimal-Cənub dəhlizinin inşasıdır.
Fəridə Abdullayeva
AZƏRTAC-ın xüsusi müxbiri
Moskva