Xalqımızın ümummilli lideri Heydər Əliyevin işləyib hazırladığı mükəmməl neft strategiyasının məntiqi nəticəsi olan “Əsrin müqaviləsi”nin imzalanması ölkəmizin neft sənayesinə beynəlxalq marağın artmasına səbəb oldu. Məhz bunun nəticəsində dünyanın tanınmış neft şirkətləri Xəzərin Azərbaycan sektorunda yerləşən karbohidrogen ehtiyatlarının işlənməsinə investisiya qoymağa başladılar.

Azərbaycanın energetika naziri Pər­viz Şahbazov bildirib ki, ötən 27 il ərzində ölkəmizin neft-qaz sektoruna 89 milyard ABŞ dolları məbləğində xarici investisi­ya qoyulub. Ulu öndər Heydər Əliyevin anadan olmasının 100 illik yubileyinə həsr edilmiş “Ümummilli lider Heydər Əliyev Azərbaycanın müstəqil energe­tika siyasətinin müəllifidir” adlı tədbirdə çıxışı zamanı bu barədə məlumat verən nazir qeyd edib ki, Azərbaycan “Azəri-Çı­raq-Günəşli” (AÇG) yataqlar blokunun işlənməsi və “Şahdəniz” qaz yatağı la­yihələrindən indiyədək 170 milyard ABŞ dolları məbləğində gəlir əldə edib. 

Energetika naziri, həmçinin qeyd edib ki, “AÇG və “Şahdəniz” yataqlarından bu­günədək 569 milyon tona yaxın neft, 40,6 milyon ton kondensat və təxminən, 390 milyard kubmetr qaz çıxarılıb.

“Xalq qəzeti”