Dünən futbol üzrə Azərbaycan Kubokunda 2-ci yarımfinal oyunu keçirilib. “Sabah” “Bank Respublika Arena”da “Qarabağ”ı qəbul edib.
Matçın baş hakimi Rəvan Həmzəzadənin idarə etdiyi qarşılaşma “Sabah”ın qələbəsi ilə başa çatıb – 2:1.
Tərəflər arasında baş tutan ilk görüşdə heç-heçə qeydə alınıb – 2:2.
Beləliklə, “Sabah” finalda “Zirə” ilə üz-üzə gələcək.
Xatırladaq ki, “Zirə” futbolçuları aprelin 21-də yarımfinalın cavab oyununda “Turan Tovuz”la qolsuz heç-heçə edib. İlk dueldə “qartallar” üstün olub – 2:0.
Qeyd edək ki, Azərbaycan Kubokunun final oyunu mayın 13-də “Palms Sports Arena”da keçiriləcək.
Qabil YUSİFOĞLU
XQ
.jpg)
