Misli Premyer Liqasında IX tura dünən start verilib. İlk oyun gününün açılış matçında “Turan Tovuz” “Karvan-Yevlax”ın qonağı olub.
Şamaxı şəhər stadionunda baş tutuan qarşılaşma tovuzluların qələbəsi ilə başa çatıb – 2:1. Bu qələbədən sonra 18 xala malik “boz qurdlar” turnir cədvəlinin 1-ci pilləsinə yüksəlib. Hesabı 69-cu dəqiqədə Yevlax futbolçuları açıb. Meydan sahiblərinin 11 nömrəli futbolçusu Şakil Sno adını tabloya yazdırıb. Bundan 2 dəqiqə sonra qonaqlardan Alexandro Serrano hesabı bərabərləşdirib. 77-ci dəqiqədə Roberto Olabenin vurduğu qol “Turan Tovuz”un qələbəsini rəsmiləşdirib.
Günün ikinci görüşündə isə Qəbələ şəhər stadionunda “Kəpəz” “İmişli”ni qəbul edib. Oyunda meydan sahiblərinin qapısından 3 cavabsız top keçirən İmişli təmsilçiləri böyük hesablı qələbə qazanıblar– 0:3.
Q.ƏLİYEV
XQ
