Azərbaycanın yeniyetmələrdən ibarət basketbol millilərinin Avropa çempionatının qrup mərhələsindəki rəqibləri bəlli olub.

25 iyul – 3 avqustda Rumıniyanın Piteşti şəhərində 18 yaşlı oğlanlar arasında keçiriləcək qitə birinciliyinin B divizionunda millimiz B qrupunda mübarizə aparacaq. Komandamızın rəqibləri Rumıniya, Gürcüstan, Danimarka, Ukrayna və Portuqaliya yığmaları olacaq. İyulun 4–13-də bu yaş qrupu üzrə qızlardan millimiz Litvanın Alitus və Vilnüs şəhərlərində B divizionunun B qrupunda Bosniya və Herseqovina, Litva, Kosovo, Ukrayna və İslandiya yığmaları ilə üz-üzə gələcək. 

İyulun 5–13-də Albaniyanın paytaxtı Tiranada 16 yaşlı oğlanlar arasında keçiriləcək çempionatın C divizionunda yığmamız B qrupunda Lüksemburq, Andorra, San Marino və Cəbəllütariq yığmaları ilə mübarizə aparacaq. Avqustun 20-29-da isə qızlardan ibarət U-16 millimiz Türkiyənin İstanbul şəhərində təşkil ediləcək çempionatın B divizionunun B qrupunda Slovakiya, İsveç, Niderland və Lüksemburq seçmələri ilə görüşəcək. 

L.QURBANOVA 
XQ