UEFA Avropa Liqasında Liqa mərhələsinin təqvimi açıqlanıb.
Azərbaycanın turnirdəki yeganə təmsilçisi “Qarabağ”ın da oyunlarının vaxtı müəyyənləşib.
Ağdam klubu əsas mərhələyə sentyabrın 26-da İngiltərədə “Tottenhem”ə qarşı oyunla start verəcək. Oktyabrın 3-də “Malmö” (İsveç), 24-də “Ayaks”la (Niderland) oynayacaq. Noyabrın 7-də “Bodo Qlimt” (Norveç), 28-də “Lyon” (Fransa), dekabrın 12-də “Elfsborq”la (İsveç) qarşılaşacaq. Ağdam klubu yanvarın 23-dəki qarşılaşmanı “Styaua”ya (Rumıniya) qarşı keçirəcək. Yanvarın 30-da isə “Olimpiakos”la (Yunanıstan) oynayacaq.
Qeyd edək ki, bu mərhələdə ilk 8 yeri tutanlar 1/8 finala adlayacaq, 9-24-cü pillələri tutanlar isə pley-offda oynayacaqlar.
L.AZAD
XQ
