Paris Yay Olimpiya Oyunları başlandığı gündən tarixin ən bərbad Olimpiadası statusuna iddia edir.
Dördilliyin ən mühüm idman hadisəsinin təşkilatçılığındakı nöqsanlar yarış iştirakçılarının səbrini tükəndirməkdədir. Bu dəfə kişi həndbolçulardan ibarət Danimarka millisinin baş məşqçisi Nikolay Yakobsen təşkilatçılığın bərbadlığından qəzəbini gizlədə bilməyib. Mütəxəssis artıq komandanın 2 dəfə Fransada azdığını, nəticədə, məşqə gecikdiklərini deyib. Yığma bir dəfə isə məskunlaşdıqları məkana gec çatıb. Baş məşqçi deyib:
–Hamımız səhvə yol verə bilərik. Amma eyni yolu 3 dəfə gedəndə, deməli nə isə düz deyil. Bunu da bildirim ki, artıq səbrimiz çox qalmayıb.
Xatırladaq ki, Danimarka Olimpiadadakı ilk oyununda Fransanı 37:29 hesabı ilə məğlub edib.
.jpg)
