Avstriyanın paytaxtı Vyanada akademik avarçəkmə üzrə ənənəvi beynəlxalq Vyana Reqatası keçirilib.
Sayca 120-ci dəfə təşkil olunan yarışda Azərbaycan avarçəkənləri uğurla çıxış ediblər.
Komandamız turnirdə 2 qızıl, 1 gümüş və 2 bürünc medal qazanıb. Böyüklər arasında akademik avarçəkmə üzrə yığma komandamızın lideri Bəhmən Nəsiri 2000 m məsafəyə yürüşdə qızıl medala sahib olub. Murad Sadıqov 3-cü yeri tutub. Eyni məsafədə yüngül çəkidə mübarizə aparan Ziya Məmmədzadə finişi 2-ci yerdə keçib.
Gənclər arasında Nurlan Paşayev 1500 metr qızıl məsafədə A finalında 1-ci olub. Yeniyetmələr arasında bir nəfərlik qayıqda 1500 metr məsafəyə yürüşdə Azər İlyasov bürünc medal qazanıb.
Leyla QURBANOVA
XQ
