Abbas Ağalarovun xatirəsinə həsr olunan boks üzrə gənclər arasında ənənəvi beynəlxalq turnir başa çatıb.
Bakı Boks Mərkəzində keçirilən yarışda millimizin üzvləri ilə yanaşı, Rusiya, Özbəkistan, Qazaxıstan, Tacikistan, Səudiyyə Ərəbistanı komandaları və Litvanın “Royal” klubundan idmançılar 13 çəki dərəcəsi üzrə mübarizə aparıblar.
5 gün davam edən yarışda 22 medal (5 qızıl, 4 gümüş və 13 bürünc) qazanan yığmamız bu nəticə ilə komanda hesabında birinci yeri tutub və Abbas Ağalarov kubokuna sahib olub. Qazaxıstan (4 qızıl, 5 gümüş, 7 bürünc) ikinci, Tacikistan (2 qızıl, 1 gümüş, 1 bürünc) üçüncü pillələrdə qərarlaşıblar.
Turnirdə ən yaxşı boksçu adına Ruslan Qafurov (Tacikistan), ən yaxşı hakim adına isə Anar Nağdıyev (Azərbaycan) layiq görülüblər.
Leyla SABİRQIZI
XQ