Minifutbol üzrə Azərbaycan millisi Birləşmiş Ərəb Əmirliklərinin Ras Əl-Xayma şəhərində təşkil olunan dünya çempionatında uğurlu çıxışını davam etdirir.
Yığmamız dörddəbir finalda Bolqarıstan kollektivi ilə üz-üzə gəlib. Millimiz bu mərhələdə də inamla çıxış edərək rəqib üzərində 3:1 hesablı qələbə qazanıb.
Yığmamızın qollarını Vüsal İsayev, Rəvan Kərimov, Mirmehdi Rzayev vurub. Bununla da, Azərbaycan millisi yarımfinala yüksəlib.
Azərbaycan komandası ilk görüşlərdə İraq (2:0), Misir (4:1), Küveyt (3:1) yığmalarına, səkkizdəbir finalda isə Portuqaliyaya (3:0) ilə qalib gəlib.
Millimiz yarımfinalda Qazaxıstanla qarşılaşacaq. Həmin görüş noyabrın 3-də keçiriləcək.
Leyla SABİRQIZI
XQ
