Yunan-Roma güləşçilərimiz U-23 dünya çempionatının son günündə 1 gümüş, 2 bürünc medal qazanıblar.
Albaniyanın paytaxtı Tiranada keçirilən mundialın son günündə Fərid Sadıxlı (55 kq) bürünc medal uğrunda görüşdə rumıniyalı Denis Florinə tam üstünlüklə (10:0) qalib gələrək dünya üçüncüsü olub.
Xasay Həsənli (77 kq) 1/8 finalda macarıstanlı Attila Toeşmaqiyə (9:1), 1/4 finalda hindistanlı Dipak Puniyaya (tuş), yarımfinalda isə gürcüstanlı Xviçe Ananidzeyə (9:0) tam üstünlüklə finala yüksəlib. Həlledici görüşdə moldovalı Aleksandrin Qutuyla qarşılaşan Xasay 1:3 hesabıyla uduzub və U-23 dünya çempionatını gümüş medalla başa vurub.
Komandamızın digər üzvü Sərxan Məmmədov (130 kq) bürünc medal uğrunda görüşdə yunanıstanlı Apostolos Tsivolosa heç bir şans verməyib və 10:0 hesablı qələbə ilə fəxri kürsünün 3-cü pilləsinə yüksəlib.
Leyla SABİRQIZI
XQ
.jfif)
