“Qarabağ” dünya reytinqində irəliləyib.
Bu barədə məlumat Beynəlxalq Futbol Tarixi və Statistikaları Federasiyasının (İFFHS) açıqladığı yeni dünya reytinqində öz əksini tapıb.
Azərbaycanın 3 təmsilçisinin düşdüyü siyahıda 414 komanda yer alıb.
Ötən ay 64-cü pillədə qərarlaşan “Qarabağ” hesabındakı 144,5 xalla 61-ci yerə yüksəlib. Azərbaycan çempionu “Ayaks” (Niderland), “River Pleyt” (Argentina) “Çelsi”, “Tottenhem” (hər ikisi İngiltərə), “Atletiko” (İspaniya) və “Marsel” (Fransa) kimi klubları qabaqlayıb.
Komandalarımız “Sabah” və “Neftçi” isə geriləyiblər. 63,5 xalı olan bakılılar 286-cı yerdən 302-ci pilləyə düşüblər. Aktivində 61,75 xal olan “Neftçi” isə 311-ci yerdən 318-ə yuvarlanıb.
Dünya reytinqində İngiltərənin “Mançester Siti” klubu (304 xal) liderlik edir. İspaniya təmsilçisi “Real” 291 xalla ikinci, İtaliya “İnter”i (254) üçüncü pillədədir.
Leyla SABİRQIZI
XQ