Azərbaycan Basketbol Liqasında (ABL) 2023–2024-cü illər mövsümü öncəsi, klublarımız hazırlıqlarını davam etdirirlər. Bu barədə “XQ”-yə Azərbaycan Basketbol Federasiyasından məlumat verilib. Bildirilib ki, Azərbaycan Texniki Universitetinin idman zalında, çempionatın debütantı “Xəzri” klubu ilə, “NTD” arasında yoldaşlıq görüşü keçirilib.
Maraqlı keçən görüşdə hər iki komanda öz yeni basketbolçularının oyununu sınaqdan keçiriblər. Qarşılaşma “NTD” klubunun 70-59 hesablı qələbəsi ilə yekunlaşıb.
Elçin ABBASOV
XQ
