Tərkibində kversetin flavanoidi olan qida və içkilər arterial təzyiqin dərmanıdır. Bu maddə qırmızı, yaşıl və bənövşəyi meyvə-tərəvəzlərdə olur. Çinin Cənub Tibb Universitetinin alimlərinin araşdırmalarından bəlli olub ki, həmin meyvə-tərəvəzlərdə olan kverset maddəsi təzyiqi aşağı salır. Təzyiqdən əziyyət çəkən 900 insanın sağlamlıq durumu təhlil edilib.
Tədqiqatçıların tövsiyəsi ilə həmin insanlar tədqiqat müddətində menyularında daha çox tərkibində kversetin olan alma, üzüm, qaragilə, ispanaq, kələm, çay, qırmızı şərab, pomidordan istifadə ediblər.
Alimlər bildiriblər ki, arterial təzyiqin azı 10 mm salınması ürək-damar xəstəlikləri riskini 50 faiz azaldır. Ona görə də qırmızı şərab, qırmızı alma və ispanaq təzyiq xəstələrinin masasında olmalıdır.
Z.HÜSEYNLİ
XQ
