Səudiyyə Ərəbistanı Liqasının oyunlarını digər ölkələrin hakimləri idarə edə bilərlər. “XQ” bildirir ki, bu barədə İngiltərənin nüfuzlu “The Times” nəşri yazıb.
Məlumatda bildirilir ki, yerli federasiya artıq bir neçə ədalət təmsilçisi ilə danışıqlar aparıb. Qurum ölkə çempionatının daha da inkişaf etdirilməsi üçün hakimləri transfer etmək niyyətindədir.
Nəşr İngiltərədəki Premyer Liqa referilərinin illik 120-300 min funt-sterlinq qazandıqlarını, lakin Səudiyyə Ərəbistanında bu rəqəmin daha yüksək ola biləcəyini vurğulayıb.
Qeyd edək ki, sözügedən ölkə təmsilçiləri yay transfer dönəmində bir neçə ulduz futbolçunu heyətlərinə qatıblar.
Elçin ABBASOV
XQ