Bu gün futbol üzrə Azərbaycan Premyer Liqasında VI tur start götürəcək. "XQ" PFL-ə istinadən xəbər verir ki, turun açılış matçında "Zirə" "Sumqayıt"ı qəbul edəcək.
Hazırda ölkə çempionatında turnir cədvəlinə 12 xalla "Zirə" komandası başçılıq edir. 7 xalı olan "gənclik şəhəri" təmsilçisi isə 4-cü pillədədir.
Qeyd edək ki, saat 17:00-da start götürəcək matçın baş hakimi Kamranbəy Rəhimovdur. Ona Rahil Ramazanov, Eyyub İbrahimov, Vüqar Həsənli kömək edəcəklər. Görüşün hakim-inspektoru Barış Şimşəkdir. Zirə İdman Kompleksinin stadionunda keçiriləcək matçın AFFA nümayəndəsi isə Məmmədəli Məmmədovdur.
Qeyd edək ki, turun digər qarşılaşmaları 16-17 sentyabrda olacaq.
Elçin ABBASOV
XQ