Qadın voleybolçulardan ibarət Azərbaycan millisi bu gün Avropa çempionatında mübarizəyə başlayacaq. Azərbaycan Voleybol Federasiyasından “Xalq qəzeti”nə bildiriblər ki, türkiyəli mütəxəssis və baş məşqçi Ataman Güneyligilin rəhbərliyi altında çşıxış edən komandamız bu gün Çexiya yığması ilə üz-üzə gələcək.
Almaniyanın Düsseldorf şəhərindəki qarşılaşma Bakı vaxtı ilə saat 22:00-da başlayacaq. Qrupun digər matçında İsveç Türkiyə yığması ilə görüşəcək.
Qeyd edək ki, Azərbaycan millisi Çexiya, Almaniya, Yunanıstan, İsveç və Türkiyə ilə birlikdə C qrupunda mübarizə aparacaq. Sentyabrın 3-də başa çatacaq Avropa çempionatına Belçika, İtaliya, Almaniya və Estoniya ev sahibliyi edir. Reqlamentə əsasən, qrupda ilk 4 pillədə qərarlaşacaq komandalar səkkizdəbir finala yüksələcəklər.
Elçin ABBASOV,
“Xalq qəzeti”