Türkiyənin İstanbul şəhərində U-17 dünya çempionatında güləşçilərimiz mübarizəyə başlayıblar.
Yarışın birinci günündə yunan-Roma güləşi üzrə 5 çəkidə finalçılar müəyyənləşib. Təmsilçilərimizdən iyul ayında U-15 Avropa çempionatının qalibi olan Yusif Əhmədlinin (65 kq) yuxarı yaş kateqoriyasında debütü uğurlu alınıb. Yarışa inamla başlayan Azərbaycan pəhləvanı bütün rəqiblərini məğlub edərək finala yüksəlib. Həlledici mərhələdə onun rəqibi rusiyalı Zaur Beslekoyev olacaq.
Komandamızın digər üzvləri Elnar Ziyadov (48 kq), Elmin Əliyev (80 kq) təsəlliverici görüşdə mübarizə aparacaqlar.
L.SABİRQIZI, “Xalq qəzeti”