Azərbaycan Premyer Liqası təmsilçisi Bakının "Neftçi" klubu UEFA Konfrans Liqasının II təsnifat mərhələsi çərçivəsində səfərdə Bosniya və Herseqovinanın “Jelezniçar” komandasının qonağı olub. Görüş 2:2 hesablı heç-heçə ilə başa çatıb.
“Qrbavitsa” stadionunda keçirilən matçın 14-cü dəqiqəsində hesabı Cenan Haraçiçin qolu ilə meydan sahibləri açıb. Oyunun 42-ci dəqiqəsində "Neftçi" Kilan Lebonun qolu ilə hesaba tarazlıq gətirib. “Jelezniçar” klubu 45+10-cu dəqiqədə yenidən üstünlüyü ələ keçirib. Komandanın heyətində Cozef Amoa fərqlənib. Qarşılaşmanın 90+4-cü dəqiqəsində "Bakı" klubunun yarımmüdafiəçisi Rəhman Hacıyev hesabı bərabərləşdirib.
Qeyd edək ki, bu cütün qalibinin üçüncü təsnifat mərhələsindəki rəqibi "Beşiktaş" (Türkiyə) - "Tirana" (Albaniya) duetinin güclüsü olacaq.
Elçin ABBASOV,
"Xalq qəzeti"
