İspaniyalı qapıçı David de Xea öz Tvitter hesabında müqavilə müddəti bitdikdən sonra "Mançester Yunayted"dən ayrıldığını açıqlayıb.
“Son 12 il üçün təşəkkür və minnətdarlığımı bildirmək istəyirəm. Hörmətli ser Aleks Ferqyuson məni bu kluba gətirəndən sonra çox şey əldə etdik. Hər dəfə bu köynəyi geyinəndə inanılmaz qürur hissi keçirirdim. İndi yeni bir çağırış etmək, özünüzü yeni mühitdə yenidən sınamaq üçün ən yaxşı vaxtdır. Mançester həmişə ürəyimdə olacaq, Mançester məni formalaşdırıb və heç vaxt məni tərk etməyəcək”, - 32 yaşlı De Xea yazıb.
İspan 2011-ci ildən "Mançester Yunayted"də çıxış edir. Komanda ilə o, 2012/13 mövsümündə İngiltərə Premyer Liqasının qalibi oldu ki, bu, əfsanəvi Mançester Yunayted baş məşqçisi Aleks Ferqyusonun kluba rəhbərlik etdiyi son mövsüm idi. De Xea həmçinin İngiltərə Kubokunu, iki Liqa Kubokunu, üç İngiltərə Super Kubokunu və Avropa Liqasını qazanıb.
De Xea İspaniya millisində 45 oyun keçirib.
"Xalq qəzeti"
