Ümummilli lider Heydər Əliyevin 100 illik yubileyinə həsr olunmuş Uşaq Paralimpiya Kuboku keçirilib. Yarışın açılış mərasimində Milli Paralimpiya Komitəsinin vitse-prezidenti, ikiqat paralimpiya çempionu İlham Zəkiyev və icraçı direktor Eldar Babayev çıxış edərək sağlamlıq imkanları məhdud uşaqlara uğurlar arzulayıblar.
Sumqayıt şəhərində yerləşən Paralimpiya İdman Kompleksində keçirilmiş yarışda 100-dən çox sağlamlıq imkanları məhdud uşaq 4 idman növündə (cüdo, üzgüçülük, stolüstü tennis, pauerliftinq) gücünü sınayıb.
Leyla QURBANOVA, “Xalq qəzeti”
