FİFA prezidenti Canni İnfantino AFFA prezidenti Rövnəq Abdullayevə məktub ünvanlayaraq “Qarabağ” FK-nı 2022/2023-cü illər mövsümündə Azərbaycanın çempionu olması münasibətilə təbrik edib.
Təbrik məktubunda qeyd edilir ki, bu titul komandanın zəhməti və fədakarlığı olmadan əldə edilə bilməzdi. FİFA prezidenti, həmçinin AFFA-ya Azərbaycanda və Avropada futbolun inkişafına və tərəqqisinə verdiyi töhfələrə görə bütün futbol ictimaiyyəti adından təşəkkür edib.
