Azərbaycanın daha bir ağırlıqqaldıranı Tunisdə keçirilən və “Paris-2024”ə lisenziya xarakteri daşıyan Afrika çempionatında qızıl medal qazanıb.
Yarışda millimizin üzvü İsa Rüstəmov (67 kq) birdən qaldırma hərəkətində 138 kq, təkanla qaldırmada 164 kq çəkini başı üzərinə qaldırıb. Toplam 302 kq (138+164) nəticə göstərən idmançı hər üç hərəkətdə bütün rəqiblərini qabaqlayıb.
Bundan əvvəl Nazilə İsmayılova (45 kq) Afrika çempionu olub.
Qeyd edək ki, Azərbaycan yığmasının başqa qitənin çempionatında çıxışına səbəb bu ilin aprelində İrəvanda keçirilən Avropa çempionatında erməni təxribatına görə iştirak edə bilməməsidir.
Leyla QURBANOVA, “Xalq qəzeti”
