Mini-futbol üzrə Azərbaycan milli komandası Bakıda ulu öndər Heydər Əliyevin 100 illik yubileyinə həsr olunmuş beynəlxalq turnirdə növbəti oyununu keçirib. Millimiz ikinci matçda İtaliya komandası ilə üz-üzə gəlib.
Rəqibini iki cavabsız qolla məğlub edən Azərbaycan 4 xalla liderliyə yüksəlib.
Qeyd edək ki, yığmamızın Çexiya seçməsi ilə ilk oyununda hesab açılmayıb.
Millimiz qrup oyunları çərçivəsində mayın 3-də Gürcüstan, ayın 4-də isə Serbiya ilə üz-üzə gələcək.
Turnirə mayın 6-da yekun vurulacaq.
L.SABİRQIZI, “Xalq qəzeti”
