Futbol üzrə Azərbaycan Premyer Liqasında XXXII tura yekun vurulub. “Bakcell Arena”da keçirilən turun son qarşılaşmasında “Neftçi” komandası lider “Qarabağ” klubunu qəbul edib.
Matçı FIFA referisi İnqilab Məmmədov idarə edib.
Qarşılaşma Ağdam klubunun 4:2 hesablı qələbəsi ilə yekunlaşıb.
Qeyd edək ki, hazırda turnir cədvəlində lider olan “Qarabağ”ın hesabında 81 xalı var. 61 xala malik olan “Neftçi” nin sona 4 tur qalmış mövsümü bürünc medalla başa vuracağı rəsmiləşib.
Turun əvvəlki oyunlarında “Sumqayıt” Qəbələdə “Kəpəz”ə, “Sabah” evdə “Şamaxı”ya 1:0, “Qəbələ” doğma meydanda “Səbail”ə 4:2, “Turan Tovuz” isə səfərdə “Zirə”yə 3:1 hesabı ilə qalib gəlib.