Azərbaycan stolüstü tennisçiləri daha bir beynəlxalq yarışda uğurla çıxış ediblər. Budəfəki nailiyyəti Avropa Stolüstü Tennis İttifaqının “Europe youth series” turnirində iştirak edən U-13 milli komandamız əldə edib.
Belə ki, Xorvatiyanın Osiyek şəhərində keçirilən yarışın qrup mərhələsində Yunanıstan, Portuqaliya və Xorvatiya seçmələrinə qalib gələn komandamız dörddəbir finalda Sloveniya millisini 5-1, yarımfinalda isə ev sahibinin digər kollektivini 5-0 hesabı ilə üstələyərək həlledici mərhələyə adlayıb.
Komandamızın finaldakı rəqibi Çexiya seçməsi olub. Həlledici mərhələdə rəqib komandaya 1:5 hesabı ilə uduzaraq gümüş medalla kifayətləniblər.
Qeyd edək ki, Osiyek sınağında Mixail Timofeyev və Elnur Hidayətzadənin rəhbərliyi ilə Yağmur Məmmədli, Xədicə Eylazova, Onur Quluzadə və Tunar Bağırov mübarizə aparıb.
“Xalq qəzeti”
.jfif)
.jpg)