Futbol üzrə Azərbaycan Premyer Liqasında XXXII turun oyun cədvəli açıqlanıb. Peşəkar Futbol Liqasınıın məlumatına görə, üç günü əhatə edəcək növbəti turun görüşləri aprelin 29-dan start götürəcək.
Turun ilk qarşılaşması aprelin 29-da start götürəcək. Həmin gün “Kəpəz”–“Sumqayıt”ı qəbul edəcək. Gəncə şəhər stadionunda keçiriləcək matç saat 16:00-da başlayacaq. Həmin gün saat 18:30-da “Bank Respublika Arena”da “Sabah” – “Şamaxı” sınağa çəkəcək.
Turun digər iki qarşılaşması mayın 1-də keçiriləcək. Həmin gün “Qəbələ” – “Səbail”i qəbul edəcək. Qəbələ şəhər stadionunda keçiriləcək oyun saat 17:30-da başlayacaq. “Zirə” – “Turan Tovuz” matçı isə saat 20:00- Zirə İdman Kompleksinin stadionunda oynanılacaq.
Qeyd edək ki, 30 aprel (bazar) günü keçirilməsi planlaşdırılan “Neftçi” – “Qarabağ” oyunu Formula 1 Azərbaycan Qran-Prisinə görə mayın-2si saat 20:00-da “Bakcell Arena”da keçiriləcək.
Elçin AĞAMİRZƏ,
“Xalq qəzeti”
