Cüdoçularımızın Türkiyənin Antalya şəhərində keçirilən bey­nəlxalq təlim-məşq toplanışı da­vam edir. Azərbaycan cüdo Fe­derasiyasının məlumatına görə, hazırlıq prosesində İsrail, Moldo­va, Rumıniya, Türkiyə, Ukrayna, Qazaxıstan, Özbəkistan, Polşa, İtaliya və digər ölkələrdən 200-dən çox cüdoçu iştirak edir. 

Təlim-məşq toplanışına Azərbay­canın cüdo üzrə böyüklərdən ibarət yığma komandasının 23 üzvü və gənclərdən ibarət millisinin 14 üzvü qatılıb. 

Cüdoçulara Azərbaycan Cüdo Federasiyasının vitse-prezidenti El­nur Məmmədli başda olmaqla perfor­mans direktoru Mark van der Ham, böyüklərdən ibarət yığmanın baş məşqçisi Riçard Trautman, böyüklər­dən ibarət yığmanın məşqçi Elçin İs­mayılov gənclərdən ibarət yığmanın baş məşqçisi Elxan Məmmədov və gənclərdən ibarət yığmanın məşqçisi Elxan Rəcəbli rəhbərlik edir.

Təlim-məşq toplanışı 7-13 may tarixlərində Qətərin paytaxtı Doha­da təşkil ediləcək böyüklər arasında Dünya çempionatına, həmçinin sent­yabr və oktyabr aylarında keçiriləcək gənclər arasında Avropa və Dünya çempionatlarına hazırlıq məqsədi daşıyır.

Qeyd edək ki, təlim-məşq toplanı­şı sabah başa çatacaq.

Elçin AĞAMİRZƏ, “Xalq qəzeti”