Misli Premyer Liqasında XXVIII tur start götürüb. Turun ilk matçında “Turan-Tovuz” və “Sumqayıt” klubları üz-üzə gəliblər. Tovuz Şəhər Stadionunda keçirilən qarşılaşma qonaqların xeyrinə başa çatıb–2:3.
Qeyd edək ki, gərgin mübarizə şəraitində keçən birinci hissənin 7-ci dəqiqəsində Natan Oduva komandasını hesabda irəli çıxarıb. Lakin 11-ci dəqiqədə “Sumqayıt” klubu Kamran Əliyevin qolu ilə hesabı bərabərləşdirib. Oyuna qələbə ruhunda köklənən Tovuz təmsilçisi 33-cü dəqiqədə Runi Evanın qolu ilə yenidən hesabda önə keçib. Beləliklə, birinci hissə meydan sahiblərinin 2:1 hesablı qələbəsi ilə başa çatıb.
Lakin fasilədən sonra hesab qonaqların xeyrinə dəyişməyə başlayıb. 58-ci dəqiqədə “Sumqayıt”ın heyətində Dieqo Karioka 11 metrlik cərimə zərbəsini dəqiq yerinə yetirib. Hesab “2:2” olub. Bundan on dəqiqə sonra isə Kamran Əliyev yenidən dubl edib. Onun vurduğu qol qalibi müəyyənləşdirib.
Bu matçdan sonra 28 xalı olan “Turan-Tovuz” turnir cədvəlində altıncı yerdədir. 24 xal toplayan “Sumqayıt” isə yeddinci pillədə qərarlaşıb.
Elçin AĞAMİRZƏ, “Xalq qəzeti”
.jpeg)
.jpg)