Bu gün taekvondo üzrə açıq Avstriya çempionatı start götürür. İnsbruk şəhərində təşkil edilən yarış iki gün davam edəcək. Çempionatda Azərbaycan milli komandası da mübarizə aparacaq.
Azərbaycan Taekvondo Federasiyasının məlumatına görə, ölkəmiz G1 kateqoriyalı beynəlxalq yarışda böyük məşqçi Elnur Amanovun rəhbərliyi altında 4 idmançı ilə təmsil olunacaq. Yığmamızın üzvlərindən açıq Avstriya çempionatında Qasım Maqomedov (63 kq), Cavad Ağayev (74 kq), Eltac Qafarov (80 kq) və Taleh Süleymanov (87 kq) güclərini sınayacaqlar.
Qeyd edək ki, dünən İnsbruka yollanan komandamız aprelin 3-də Bakıya qayıdacaq.
Elçin AĞAMİRZƏ, “Xalq qəzeti”