COP29 çərçivəsində “AzərEnerji” və “Azərişıq” Yaşıl Zonada geniş pavliyonla təmsil olunurlar. Burada ziyarətçilərə maketlər və hazırlanan təqdimatlar üzərindən geniş məlumatlar verilir. O cümlədən tanıtım bükletləri və kataloqlar paylanılır.
“AzərEnerji”nin dekarbonizasiya layihələrini gerçəkləşdirməsi, “Yaşıl enerji zonası” elan edilən Qarbağ və Şərqi Zəngəzurda 4 ildən az müddətdə ümumi gücü 270 meqavat olan 32 ədəd su elektrik stansiyasını tikməsi haqqında məlumatlar qonaqların geniş marağına səbəb olur.
“AzərEnerji” Yaşıl Zonada 6 tədbirin, 5 imza mərasiminin və tanınmış beynəlxalq enerji şirkətlərinin rəhbərləri ilə müxtəlif görüşlərin keçirilməsini planlaşdırıb.
