COP29-un müəyyən olunmuş prezidenti, ekologiya və təbii sərvətlər na­ziri Muxtar Babayev mediaya müsahibəsində iqlim konfransına qədər Azər­baycan şəffaflıq hesabatını hazırlayacağını bildirib.

Nazir onu da əlavə edib ki, COP29 çər­çivəsində respublikamızda bir çox “yaşıl” layihələri təqdim olunacaq. Bunların xeyli hissəsi Qarabağ və Şərqi Zəngəzur iqtisadi rayonları ilə bağlı olacaq. Ölkəmizin digər bölgələri ilə əlaqədar “yaşıl” layihələri də iştirakçıların diqqətinə çatdırılacaq. 

Muxtar Babayev daha sonra qeyd edib ki, karbon bazarını tənzimləyən maddələ­rin razılaşdırılması məsələsi də gündə­likdə olacaq: “Bu məsələ Paris sazişinin 6-cı bəndində öz əksini tapıb. Bir neçə istiqamət üzrə proqress var. Amma müza­kirələr davam edir”.

M.Babayev söyləyib ki, müzakirə olu­nan məsələlər sırasında içməli su problemi, buzlaqların əriməsi də əsas mövzulardan olacaq. Bu mövzular ciddi narahatlıq do­ğurduğundan ölkələr müvafiq adaptasiya tədbirləri görməlidir. Çünki istiləşmə da­vam etdikcə bu proses daha da gərginləşə­cək. Ona görə də sudan düzgün istifadəyə xüsusi diqqət yetirilməlidir.