“Yaşıl biznes”lər dayanıqlı istehsala nail olunmasında, resurs və enerji səmərəliliyinin artırılmasında əhəmiyyətli rol oynayır. Sahibkarların “yaşıl” layihələri müxtəlif dövlət dəstəyi mexanizmləri vasitəsilə, o cümlədən Kiçik və Orta Biznesin İnkişafı Agentliyi (KOBİA) tərəfindən dəstəklənir. 

“Yaşıl” layihələri olan sahibkarlıq su­byektləri qrant, “Startap” şəhadətnaməsi, daxili bazar araşdırmasının aparılması, təlim, sərgilərə çıxış kimi dəstək alətləri üçün KOBİA-ya müraciət edirlər. İndiyə­dək KOBİA kiçik və orta biznesin “yaşıl” layihələrinin inkişaf etdirilməsinə və “ya­şıl” iqtisadiyyata keçidə töhfə verə biləcək 19 layihəyə qrant ayırıb, 10-a yaxın “Star­tap” şəhadətnaməsi verib. Agentlik kiçik və orta biznes subyektlərinin bərpaolunan enerji qaynaqlarından elektrik enerjisi is­tehsal edə bilən şarj stansiyasının və şarj cihazının istehsalı üçün lazımi proqram tə­minatının hazırlanması, aşağı temperatur­lu geotermal suların istiliyindən səmərəli yolla elektrik və istilik enerjisinin alınma­sı, smart polimer kompozisiya materialla­rından yararlanmaqla binalarda enerji sər­fiyyatının azaldılması, “ağıllı” suvarma texnologiyasının yaradılması və praktiki fəaliyyətinin araşdırılması kimi layihələrə 338 min manatdan çox qrant ayrılıb. 

Alternativ içməli su mənbəyinin yara­dılması, üzvü tullantıları emal edərək yem istehsalında istifadə oluna biləcək protein, yağ və yüksək verimli gübrənin istehsalı, kənd təsərrüfatında suvarma səmərəliliyi­nin artırılması üçün “ağıllı” su depolayı­cı materialın hazırlanması və s. layihələr üçün kiçik və orta biznes subyektlərinə vergi güzəştini nəzərdə tutan “Startap” şə­hadətnamələri verilib. Təkrar emal və tibbi tullantıların zərərsizləşdirilməsinə dair sa­hibkarların müraciəti əsasında daxili bazar araşdırmaları da aparılıb.

Eyni zamanda, KOBİA tərəfindən sa­hibkarlara “yaşıl” iqtisadiyyatla bağlı tə­lim və məsləhət xidmətləri göstərilib. Tək­cə 2024-cü ildə sözügedən agentlik Bakı şəhərində, Lənkəran, Şəki və Xaçmaz ra­yonlarında 140-a yaxın kiçik və orta biznes subyektinin iştirakı ilə “Yaşıl iqtisadiyyat və yaşıl biznes”, “Yaşıl maliyyələşmə”, “Yaşıl innovasiyaların inkişafında mövcud imkanlar, çətinlik və perspektivlər” möv­zularında təlim, seminar və maarifləndirmə tədbirləri təşkil edib.