Dünyanın ən böyük aysberqi A23a Cənub Okeanında sürüşüb. Bu barədə noyabrın 28-də Arktika və Antarktika Tədqiqat İnstitutunun (AARI) mətbuat xidməti məlumat yayıb. Xəbəri “İnterfaks.ru” verib. 

Alimlər aysberqin taleyinin yaxın gələcəkdə həll olunacağını gözləyirlər. “AARI-nin Buz və Hidrometeoroloji İnformasiya Mərkəzinin mütəxəssislərinin fikrincə, yaxın bir ayda o, Şotlandiya dənizinə daxil olacaq, orada tezliklə fəaliyyətini dayandıraraq Weddell Gyre sistemində qalacaq və daha bir neçə il sürüşəcək” - deyə hesabatda deyilir.

Hazırda aysberqin sahəsi təxminən 4170 kvadratkilometrdir ki, bu da Sankt-Peterburqdan iki dəfə böyükdür.

Bildirilir ki, ən nəhəng aysberqlərdən biri 1986-cı ildə Filçner buz şelfinin xarici kənarından qopub, sonra 30 ildən çox müddətə Ueddel dənizinin mərkəzi hissəsində qapalı vəziyyətdə qalıb. 2023-cü ilin yazında buz kənarlara doğru aktiv sürüşməyə başlayaraq Antarktika qışı şəraitində ərazidə əhəmiyyətli itkilərə məruz qalmadan 2 min km-dən çox məsafə qət edib.

P.ƏMİRCANOV
XQ