Türkiyə Xarici İşlər Nazirliyindəki mənbənin “RİA Novosti”-yə verdiyi məlumata görə, Rusiya, Ukrayna və Türkiyə nümayəndə heyətləri arasında üçtərəfli görüş bu gün Moskva vaxtı ilə saat 12:30-da İstanbulda planlaşdırılır və ondan əvvəl Türkiyə, ABŞ və Ukrayna nümayəndə heyətləri arasında görüş keçiriləcək.

“Türkiyə-Rusiya-Ukrayna formatında üçtərəfli görüş Moskva vaxtı ilə saat 12:30-da Dolmabaxçada, Türkiyə Prezident Administrasiyasının ofisində başlayacaq”, - mənbə bildirib.

“Türkiyə-ABŞ-Ukrayna görüşünün Moskva vaxtı ilə saat 10:45-də başlaması gözlənilir”, - mənbə qeyd edib. Cümə günü İstanbulda Rusiya və Ukrayna nümayəndə heyətləri arasında birbaşa danışıqlar istisna deyil, Türkiyə Xarici İşlər Nazirliyinin rəsmi nümayəndəsi Öncü Keçeli bildirib.

Keçəli daha əvvəl bildirmişdi ki, Ukrayna böhranının həlli üçün cümə günü İstanbulda Türkiyənin xarici işlər naziri Hakan Fidan ilə Rusiya, Ukrayna və Amerika nümayəndə heyətləri arasında dördtərəfli görüşün keçirilməsinin mümkünlüyü ilə bağlı yekun qərar yoxdur.

Rusiya prezidenti Vladimir Putin bundan əvvəl Ukraynaya mayın 15-də İstanbulda ilkin şərt olmadan birbaşa danışıqları bərpa etməyi təklif etmişdi. 

P.ƏMİRCANOV
XQ